Kontakt: dren.puka@kcsfoundation.org

Dren Puka është Drejtor Ekzekutiv në KCSF me afro 20 vite përvojë në fushën e hulumtimit, avokimit dhe zhvillimit të politikave publike pjesëmarrëse. Ai është pjesë e KCSF-së për më shumë se një dekadë, ku ka shërbyer në role kyçe udhëheqëse, përfshirë së fundmi si Drejtor për Hulumtim, Avokim dhe Ngritje të Kapaciteteve.

Ekspertiza e tij lidhet ngushtë me dizajnimin e modeleve empirike dhe teorike të analizës dhe hulumtimit, zhvillimin dhe realizimin e hulumtimeve që synojnë të prodhojnë argumente dhe evidence për krijim të politikave publike përmes pjesëmarrjes qytetare. Përveç kësaj, Dreni ka përvojë të dëshmuar në lidership dhe menaxhim, duke udhëhequr ekipe dhe procese komplekse në kontekste të ndryshimit dhe zhvillimit organizativ. Duke punuar me shumë organizata dhe duke marrë pjesë në iniciativat kyçe të politikave të lidhura me zhvillimin e shoqërisë civile, puna e Drenit është e fokusuar posaçërisht në krijimin e një mjedisi që synon të theksojë grupet dhe zërat e ndryshëm dhe të margjinalizuar për të formuar një sferë publike refleksive dhe gjithëpërfshirëse.

Ka përfunduar studimet e magjistraturës në Politika të Edukimit dhe Lidership, me specializim në Metoda të Hulumtimit në Universitetin e Rochesterit (SHBA).

Kontakt: edona.krasniqi@kcsfoundation.org

Edona Krasniqi është me KCSF-në tash e 7 vite dhe aktualisht është Drejtoreshë e Departamentit të Ri-Grantimeve. Ajo ka më shumë se 15 vjet përvojë pune të kombinuar në institucione joqeveritare, akademike dhe private. Ajo ka punuar si studiuese dhe vlerësuese në organizata vendore dhe ndërkombëtare dhe është autore e punimeve mbi çështje arismore dhe shoqërinë civile. Ajo ka përfunduar studimet Master në Ekonomi, e specializuar në Ekonomi dhe Politikë nga Universiteti i Freiburgut. Ajo gjithashtu ka studiuar dhe është diplomuar në drejtimin Menaxhment dhe Politika Publike në Universitetin Amerikan në Kosovë dhe po ashtu është ka një certifikatë të diplomuar në Politikë Arsimore nga Universiteti Georgetown. Interesat e saj janë në ekonominë politike dhe sillen rreth eksplorimit të kryqëzimit midis sistemeve ekonomike, pabarazisë socio-ekonomike, pjesëmarrjes qytetare dhe krizës urgjente ekologjike të kohës sonë.

Kontakt: rron.zajmi@kcsfoundation.org

Kontakt: ahmet.rushiti@kcsfoundation.org

Ahmet Rushiti ka më shumë se 16 vjet përvojë pune në organizata ndërkombëtare dhe vendore që promovojnë gjithëpërfshirjen dhe pjesëmarrjen qytetare. Menaxhimi i projektit, përfshirja në mobilizimin e komunitetit, avokimi, ngritja e kapaciteteve për OSHC-të dhe krijimi i politikave janë disa nga fushat kryesore të ekspertizës së tij. Ahmeti gjithashtu ka fituar përvojë dhe njohuri të mëdha për kontekstin lokal duke punuar me partitë politike, rininë, autoritetet lokale dhe kombëtare. Ai ka qenë i përfshirë në monitorimin dhe vëzhgimin e zgjedhjeve, monitorimin e punës së Kuvendit të Kosovës dhe punën me komunitetet dhe zonat zgjedhore në zonat lokale dhe rurale. Përveç kësaj, ai është bashkëautor i disa studimeve mbi sjelljen e votuesve, transparencën komunale dhe përfshirjen e komunitetit.

Kontakt: nita.bicurri@kcsfoundation.org

Nita Bicurri është Udhëheqëse e Programit për Angazhim Qytetar. Ajo ka më shumë se 10 vjet përvojë në proceset zhvillimore ndërkombëtare dhe të demokratizimit. Fokusi i saj kryesor është nxitja e proceseve gjithëpërfshirëse të vendim-marrjes dhe krijimi i mundësive kuptimplota për zëra të ndryshëm për të kontribuar në avancimin e demokracisë në Kosovë. Gjatë eksperiencës së saj, Nita ka bashkëpunuar me organizatat e shoqërisë civile, partitë politike, insititucionet qeveritare, mediat dhe komunitetin e biznesit për të siguruar që proceset e zhvillimit të politikave të jenë gjithpërfshirëse dhe demokratike. Përpjekjet e saj janë përqëndruar sidomos në përfshirjen aktive të grave dhe të rinjve në jetën politike dhe publike. Nita ka përfunduar studimet master në Administratë Publike me fokus në Administrimin e Zhvillimit Ndërkombëtar dhe Certifikatë për Studime të Avancuara për Organizatat e Shoqërisë Civile nga Maxwell School of Citizenship and Public Affairs, Syracuse University në New York. Ndërsa studimet bachelor i ka përfunduar në Shkenca Politike në Cornell College në Iowa.

Kontakt: yllka.hoxha@kcsfoundation.org

Yllka Hoxha është Menaxhere Financiare në KCSF dhe mbikëqyrë operacionet financiare për Aktivitetin e Angazhimit Qytetar. Me mbi 11 vjet përvojë në shoqërinë civile, ajo ka mbajtur role në financa, burime njerëzore dhe administratë. Ajo ka diplomë Bachelor dhe Master në Marketing nga Universiteti i Prishtinës. Yllka është anëtare e Shoqatës së Kontabilistëve të Çertifikuar dhe Auditorëve të Kosovës (SHKÇAK), me titullin Kontabiliste e Çertifikuar dhe aktualisht është në përfundim të procesit për tu certifikuar si Auditore.

Kontakt: blerta.aliu@kcsfoundation.org

Blerta Aliu ka përvojë profesionale mbi 13 vjeçare në fushën e komunikimit, marrëdhënieve me publikun dhe medias. Ajo ka nisur karrierën e saj në të përditshmen Koha Ditore, ku ka punuar si gazetare në sektorin e sigurisë dhe politikës për gati pesë vite. Angazhimin e saj e ka vazhduar në fushën e marrëdhënieve me publikun në sektorin publik, privat e organizata të shoqërisë civile.

Është angazhuar si këshilltare për media dhe PR në Ministrinë e Integrimit Evropian të Republikës së Kosovës për afro dy vite, tutje ka punuar si zyrtare për PR dhe komunikim në Institutin Demokratik të Kosovës/Transparency International Kosova për mbi tri vite.

Njëkohësisht Blerta nga viti 2017 është asistente në Degën e Gazetarisë në Universitetin e Prishtinës.
Nga shkurti i vitit 2022 i është bashkuar ekipit të KCSF-së, ku kontribuon si koordinatore për marrëdhënie me publikun dhe komunikim.

Blerta është duke vijuar studimet e doktoraturës për Media dhe Komunikim në Universitetin e Evropës Juglindore në Maqedoninë e Veriut. Ka mbaruar studimet Bachelor dhe Master në fushën e Gazetarisë dhe Marrëdhënieve me Publikun në Universitetin e Prishtinës. Është fituese e disa çmimeve vendore edhe ndërkombëtare për gazetari në fushën e të drejtave të njeriut, mirëqenien e fëmijëve dhe arsim. Po ashtu është autore dhe bashkëautore e shumë raporteve analitike si dhe punimeve akademike të cilat i ka publikuar dhe prezantuar në konferenca shkencore ndërkombëtare për fushën e medias dhe komunikimit.

Kontakti: vjollca.sllamniku@kcsfoundation.org

Vjollca Sllamniku është Zyrtare e lartë e financave në KCSF. Që nga nëntori 2006 kur ka filluar angazhimin në KCSF, Vjollca ka qenë përgjegjëse për menaxhimin financiar e kontabilitetin e organizatës, ndërsa deri në vitin 2015 gjithashtu ka udhëhequr edhe ekipin e administratës.

Më herët ka punuar si Zyrtare e financave në OJQ ODA (Organizata për aktivitete zhvillimore) gjatë viteve 2003-2006, si dhe në Oxfam GB – Zyra në Kosovë gjatë viteve 1999-2003.

Kontakt: rudina.hasimja@kcsfoundation.org

Rudina Hasimja është aktiviste e shoqërisë civile, me përvojë profesionale në organizata lokale, ndërkombëtare, dhe institucione publike. Para KCSF-së, ajo ka punuar në Fondacionin Lumbardhi nga 2020 – 2022. Në të njëjtën kohë, ka qenë e angazhuar në programin Zhvillimi Organizativ i Komunitetit në Peace Corps si trajnere teknike nga 2020 – 2021. Para kësaj, nga 2015 – 2018 në Fondacionin Kosovar për Shoqëri të Hapur ka koordinuar programin e integrimit në Bashkimin Europian.

Në 2012 – 2014 ka punuar si koordinatore e programit në Qendrën për Hulumtim, Dokumentim dhe Publikim, një organizatë lokale që merret me drejtësi tranzicionale. Para kësaj, ka qenë zyrtare e projektit në njësinë për Arsim të Lartë në Departamentin e Demokratizimit në OSBE në 2011. Ka shërbyer si këshilltare e ministrit në Ministrinë e Integrimit Europian në 2010 – 2011.

Rudina ka ndjekur programin e Masterit në shkenca sociale në Univerzitetin e Chicagos. Studimet e Bachelorit ka përfunduar në Univerzitetin Amerikan në Kosovë / RIT Kosovo në Politika Publike dhe Media dhe Komunikim Grafik.

Kontakt: arber.fetahu@kcsfoundation.org

Arbër Fetahu është Koordinator  i Granteve në KCSF. Ai ka mbi 8 vjet përvojë profesionale në organizata të shoqërisë civile dhe në një përiudhë të shkurtër edhe në media. Arbri ka qenë i angazhuar si Hulumtues dhe Menaxher Projekti në Grupin për Studime Juridike dhe Politike – GLPS.Puna e tij ka qenë e fokusuar kryesisht në politikën e jashtme, demokratizimin, integrimin evropian dhe qeverisjen. Po ashtu, ka menaxhuar projektet më të mëdha të institutit. Ndër të tjera,  ka punuar si hulumtues në Institutin Kërkimor për Zhvillim dhe Çështje Evropiane, si dhe në Inkubatorin e Sipërmarrjes së Universitetit të Prishtinës – VentureUP në cilësinë e drejtorit të Komunikimit dhe Monitorimit dhe Vlerësimit.

Arbri është autor i dhjetëra analizave dhe raporteve me think-tank vendor dhe ndërkombëtar në fushën e integrimit evropian, dialogut Kosovë – Serbi dhe integrimin e Kosovës në organizata ndërkombëtare. Ai ka marrë pjesë në shumë takime ndërkombëtare  ku edhe ka prezantuar punën e tij dhe të organizatës si në Clingendael Institute në Hagë të Holandës dhe në Aspen Institute në Gjermani.  Ai ka përfunduar studimet e masgjistraturës në  fushën e Studimeve Globale/Ndërkombëtare në Universitetin Shtetëror të Mizurit (Missouri State University) si pjesë e Programit të Udhëheqjes Transformuese të USAID-it.