Përmes Çmimit për Demokraci që ndahet në baza vjetore, EJA Kosova njeh kontributet e jashtëzakonshme për zhvillimin e demokracisë në Kosovë dhe promovon rastet dhe modelet që duhet ndjekur. Çmimi për Demokraci ka për qëllim të vlerësojë kontributet e individëve, nismave të paregjistruara dhe të organizatave joqeveritare në fusha të ndryshme, që janë rezultat i mobilizimit të komunitetit dhe angazhimit qytetar, si dhe përpjekjeve për llogaridhënie dhe transparencë në proceset e vendimmarrjes dhe krijimin e politikave publike që çojnë në ndryshime shoqërore.

Përmes Çmimit për Demokraci, KCSF gjithashtu synon të nxisë vëmendjen për arritjet e iniciativave në fushën e angazhimit qytetar, të domosdoshme për promovimin e demokracisë pjesëmarrëse, dhe të shpërblejë ato iniciativa qytetare që kanë kontribuar në mënyrë të ndjeshme në zhvillimin e demokracisë në jetën publike dhe vendimmarrjen institucionale.

Nominimet do të vlerësohen nga Ekipi për Vlerësimin e Granteve (EVG) sipas kritereve më poshtë:

• Dizajnimi dhe zbatimi i një nisme të suksesshme (qasja, aktivitet, projekt, etj.) në përmirësimin dhe zhvillimin e demokracisë në Kosovë, gjatë vitit 2024;
• Niveli i nën-përfaqësimit të temës, çështjes ose grupit të qytetarëve të trajtuar nga nisma;
• Potenciali aktual ose i prituri i nismës, duke përfshirë potencialin për përsëritje/përshtatje ose inovacionin;
• Guximi i organizatës, nismës së paregjistruar ose individit shfaqur përmes nismës së ndërmarrë;
• Përshtatja e drejtpërdrejtë e qytetarëve në nismë ose kontributi i shquar i pjesëmarrjes së qytetarëve në jetën publike ose politikëbërje.

Ju ftojmë të nominoni kandidatët tuaj për edicionin 2024 të Çmimit për Demokraci, deri më 14.02.2025, ora 23:59.

Për informata të hollësishme për kriteret e nominimit dhe për të shkarkuar formularin për nominim, vizitoni webfaqen e KCSF-së www.kcsfoundation.org ose na shkruani në eja@kcsfoundation.org

Për informata të hollësishme për kriteret e nominimit dhe për të shkarkuar formularin për
nominim, vizitoni webfaqen e KCSF-së www.kcsfoundation.org ose na shkruani në eja@kcsfoundation.org.