Në kuadër të programit EJA Kosovë, Fondacioni Kosovar për Shoqëri Civile, me qëllim të fuqizimit të rolit të shoqërisë civile në zhvillimin e demokracisë, ofron përkrahje financiare për anëtarësim të OJQ-ve në rrjetet rajonale dhe ndërkombëtare, për të nxitur veprimet e përbashkëta me partnerët rajonalë e ndërkombëtarë. 
Gjatë vitit të kaluar organizatat të cilat janë mbështetur, përmes “Përkrahjes për Rrjetëzim” kanë krijuar partneritete strategjike duke u bërë pjesë e organizatave ndërkombëtare me të cilat ndajnë vizionin për ndryshim pozitiv.

Shkëmbimi i përvojave dhe ekspertizës, ngritja e kapaciteteve profesionale dhe ndikimi në politika dhe standarde ndërkombëtare, janë disa prej përfitimeve thelbësore që organizatat e mbështetura i kanë arritur përmes partneriteteve me organizatat ndërkombëtare.

Më poshtë janë disa  prej organizatave që përfituan dhe rrjetet ku u anëtarësuan

1.Fondacioni për të Drejtat e Kafshëve, ështëanëtarësuar në: Eurogroup for Animals duke përfituar:

– Shkëmbim përvojash dhe ekspertizë me organizata evropiane mbi mbrojtjen ligjore të kafshëve.
– Këshilla për avancimin e legjislacionit në Kosovë sipas standardeve të BE-së.
– Ngritje kapacitetesh në fushën e të drejtave të kafshëve.

2.Shoqata e Psikologëve Shkollorë, është anëtarësuar në: International School Psychology Association duke përfituar:

– Rrjetëzim dhe shkëmbim përvojash për një kujdes më të mirë për nxënësit.
– Ndikim në politikat arsimore globale dhe implementimi i praktikave të suksesshme në Kosovë.
– Qasje në burime shkencore për zhvillimin profesional të psikologëve.

3.Kosova Center for Digital Education (Mëso Online), është anëtarësuar në: Digital Learning Collaborative duke përfituar:

– Shkëmbim i përvojave në industrinë globale të të mësuarit digjital.
– Pjesëmarrje në komitete dhe hulumtime të specializuara.

4.Kosovo Advocacy and Development Center (KADC), është anëtarësuar në: European Network for Smoking and Tobacco Prevention duke përfituar:

– Përfaqësim në një rrjet të fuqishëm për politikat e kontrollit të duhanit.
– Asistencë teknike për ngritjen e kapaciteteve vendore.
– Pjesëmarrje në konferenca ndërkombëtare dhe ndikim në politika.

5.Center of Research, Studies in Physical Education, Sport and Health (CRSPES), është anëtarësuar në: European Physical Education Association duke përfituar:

– Partneritete me organizata evropiane.
– Ngritja e cilësisë në edukimin fizik, sport dhe shëndet.
– Shkëmbim përvojash dhe harmonizim hulumtimesh.

6.Civil Rights Program – Kosovo (CRP/K), është anëtarësuar në: European Council on Refugees and Exiles (ECRE) duke përfituar:

– Mbështetje për azilkërkuesit dhe refugjatët në Kosovë.
– Ndikim në politikat kombëtare dhe ndërkombëtare.
– Qasje në njohuri dhe praktikat më të mira.

7.Childproof – CIPOF, është anëtarësuar në: International Step by Step Association (ISSA) duke përfituar:

– Mundësi partneriteti dhe financimi për projekte të fëmijërisë së hershme.
– Zhvillim profesional dhe shkëmbim përvojash në aktivitete tematike.

Të gjitha informatat dhe detajet për aplikim për këtë përkrahje i gjeni këtu: https://bit.ly/3QTqF1B