Për ta transformuar përfaqësimin dhe pjesëmarrjen nëpër komunitetet tona, Fondacioni Kosovar për Shoqëri Civile (KCSF), në kuadër të Programit për Angazhim Qytetar të cilin e zbaton në partneritet me misionin e USAID në Kosovë, ka filluar një nismë në mbarë vendin, përmes së cilës po zgjerohet aktivizmi komunitar. Kjo nismë, e quajtur Akademia për Udhëheqësi në Komunitet, synon të përgatitë rreth 200 të reja dhe të rinj të moshës 18-24 vjeçar/e për organizim dhe avokim efektiv për ndryshime pozitive në komunitetet e tyre.

Për këtë qëllim, KCSF-ja në bashkëpunim me Street Law gjatë dy (2) ditëve do të organizojë Trajnimin e Trajnerëve (TeT) të Akademisë për Udhëheqësi në Komunitet. Ky trajnim ka për qëllim të mbledhë aktivistë dhe individë me përvojë në shoqëri civile dhe qytetari aktive, me qëllim që ata/o të kuptojnë kurrikulën e Akademisë, dhe që të krijohet një grup i trajnerëve të certifikuar për sesionet e kësaj Akademie që do të mbahen në gjuhën serbe.

Kur mbahet trajnimi?
Gjatë muajit nëntor 2024.

Çfarë do të mësoni në këtë trajnim?
Trajnimi përfshinë një punëtori dy-ditore që synon ngritjen e aftësive të pjesëmarrësve për ligjërimin e moduleve të Akademisë për Udhëheqësi në Komunitet.

Trajnimi do të familjarizojë pjesëmarrësit me qëllimin e Akademisë, kurrikulën e saj dhe metodologjinë interaktive të trajnimit. Pas trajnimit, pjesëmarrësit që përfundojnë TeT do të angazhohen si trajnerë për dy (2) edicionet e Akademisë për Udhëheqësi në Komunitet në katër vitet e ardhshme.

Në fund të trajnimit, pjesëmarrësit dhe pjesëmarrëset duhet të jenë në gjendje të:
– Artikulojnë rezultatet, qëllimet dhe strukturën e kurrikulës së Akademisë për Udhëheqësi në Komunitet;
– Përshkruajnë rolet dhe përgjegjësitë bazike të trajnerëve të Akademisë për Udhëheqësi në Komunitet;
– Shfrytëzojnë në mënyrë efektive teknikat interaktive të mësimdhënies të metodologjisë së Akademisë për Udhëheqësi në Komunitet, dhe praktikave më të mira të udhëheqjes së sesioneve;
– Të planifikojnë në mënyrë efektive modulet individuale dhe t’i udhëheqin suksesshëm ato.

Kush mund të aplikojë dhe cilat janë kriteret e aplikimit?
Personat me përvojë dhe interesim për organizimin e shoqërisë civile dhe aktivizimin në komunitet. Përvojat e mëhershme në moderim dhe ligjërim përgjatë diskutimeve në grup janë të preferueshme. Ne inkurajojmë gjithpërfshirje nga aspekti i gjinisë, etnisë, përfaqësimit gjeografik nga të gjitha rajonet e Kosovës.

Kandidatët dhe kandidatet për trajnerë/e duhet:
– Të jenë në dispozicion dhe të përkushtuar për t’u angazhuar si trajnerë/e/ lehtësues/e në edicionet e ardhshme të Akademisë për Udhëheqësi në Komunitet, të cilat do të mbahen në gjuhën serbe;
– Të kenë përvojë dhe interesim për zhvillimet e shoqërisë civile dhe aktivizëm në komunitet, pjesëmarrje të të rinjve, avancim të demokracisë, të drejtat e njeriut, dhe sundim të ligjit;
– Të kenë njohuri të mira të kontekstit social, politik dhe kulturor të Kosovës;
– Të kenë përvojë në organizimin dhe mbajtjen e trajnimeve apo programeve të edukimit joformal;
– Të kenë aftësi të mira për moderim, komunikim dhe prezantim;
– Të kenë diplomë në nivelin bachelor;
– Të mos jenë të angazhuar në ndonjë parti politike në katër vitet e fundit.

Angazhimi i trajnerëve dhe trajnereve në module të Akademisë është angazhim me pagesë. Pjesëmarrësit të cilët/cilat certifikohen në TeT do të bëhen pjesë e grupit të trajnerëve dhe trajnereve për t’u angazhuar në edicionet e ardhshme të Akademisë për Udhëheqësi në Komunitet për periudhën 2025-2026.

Si të aplikoni?
Për të marrë pjesë në Trajnimin për Trajnerë të Akademisë për Udhëheqësi në Komunitet, të interesuarit duhet të plotësojnë këtë formë të aplikimit: https://www.surveymonkey.com/r/HQFHBXY

Keni parasysh që në formë të aplikimit duhet ngarkuar:
(1) CV-në e detajuar, me fokus në përvojën relevante për temat përkatëse; dhe
(2) dëshmi të përvojave të ngjashme (nëse keni).

Formulari i aplikimit mund të plotësohet në gjuhën serbe, shqipe ose angleze.

Afati i fundit për aplikim është 27 tetor 2024.

Informata logjistike:
Për informata shtesë ose sqarime të mëtejshme, ju lutemi të mos hezitoni të kontaktoni naim.robelli@kcsfoundation.org.