Armend Bekaj punon si Zyrtar i Lartë i Programit në Institutin Ndërkombëtar për Demokraci dhe Asistencë Zgjedhore (International IDEA) në Stokholm, Suedi. Ai është pjesë e ekipit kryesor që publikon raportin e gjendjes globale të demokracisë, duke ofruar matje dhe analiza mbi demokracinë për 162 vende të botës. Armend ka më shumë se 15 vjet përvojë me organizata ndërkombëtare dhe institute kërkimore. Ekspertiza e tij qëndron në qeverisjen e mirë dhe demokratizimin, paqen dhe konfliktin, DDR dhe sigurinë, dhe integrimin politik të ish-luftëtarëve në shoqëritë tranzitore. Gjatë viteve, ai ka punuar dhe bashkëpunuar me OSBE, USAID, UNDP dhe një sërë organizatash të tjera rajonale, ndërkombëtare apo të shoqërisë civile.
